DR: Bericht vom Turnfest Rüthi 26./27. Juni

Am Samstig morgä am halbi 6i hät sich d’Damäriigä Basadingä im Schuälhuus troffä. Nochämä verspötätä Geburtstagsgschänkli fürd Julia, wo alläs däbii gsii isch für äs erschts Turnfäscht, vo irnä zwei Cousinä, häts denn äntli chönä los goh mit dä Fahrt uf Rüthi. Alli Turnerinnä sind uf zwei Büssli verteilt wordä. Dankä dä Corinne und dä Jenny fürs fahrä und s’organisierä. Nochärä ahgnämä Fahrt simmer am 7ni in Rüthi ahcho und händ zersch mol di zwei Büssli platziert und sind denn go luägä wos ä schattigs Plätzli hät. Bald hämmer au eis gfundä und händ üs scho wiider mösä richtä für’s Liächtathletik. Die eint Gruppä isch zum Schleudere und di ander zum Hochsprung. Im Schleudere häts ä guäts 8.43 und im Hochsprung ä 7.62 gäh. Denn ischäs au scho wiiter gangä zu üsärä Barräufführig, do händ ä paar chli Bammel kah wäg em letschtä mol. Mir händ aber mit erstuunä ä sehr guäts 8.65 gmacht. Scho ischäs wieder wiiter gangä mit äm Fachtescht. Alli sind motiviert gsi und händ nomol alläs geh. Im Fachtescht hämmer ä sehr guäts 8.58 gmacht. Schlussendlich simmer im Mittelfäld gsii mit dä Notä 25.34!
Am halbi 1 simmer au scho färtig gsii mitäm turnerischä Teil. D’Gruppänä händ sich denn wieder trännt, di eintä sind go ihri Zält ufstellä und di andärä sind chli go‘s Fäschtgländ uskundschaftä.
Nochäm z’Nacht ässä sind alli go duschä, das mir parat fürs Fäscht gsii sind.
Bi äs paarnä ischäs chli spöter wordä bim fäschtä und di andärä sind scho früähner go schlofä gangä.
Am morgä hämmer üs alli wieder troffä und dä Tag besprochä. Mit Gymnastik, Barrä, Staffete luägä, Zält abbrächä, sich verpflägä, am Fahnälauf mitmachä, d’Asproch losä und villäm meh ischäs denn au scho Ziit wordä zum üs ufd Heifahrt z’machä. Scho bald simmer au wieder in Basadingä ahcho und alli händ sich müäd und erschöpft uf dä heiwäg gmacht.
 

Nina Weber