TV: Bericht der Turnfahrt vom 15. - 16.09.2012

e schiis turnfahrt isch's au da mol gsi
me weisses jo, isch aber trotzdem debi
än lutz am morgen am füfi
de zücht am scho rächt it tüfi
as laufe uf de bahnhof isch nümme d'tenke
besser chönd d'schofföse de chare lenke
ä schiis turnfahr isch da jetz scho
den im gregi sini asproch chunt ersch no
nid bsoffe si het de raftgaid gseit
will susch die rhifahrt is wasser gheit
drum hämmer hat im versteckte möse s..inge
und üs bis versam troche i stimmig bringe, (hä hä)
z'versam isch's jetz isch verbi mit umehocke,
jetz gots id rhischlucht uf d'socke
vier stunde söll go de marsch
da isch aber streng, leck mich am ar…bet isch ni immer luschtig
herrlich sind mir am ufer gloffe
und hend fascht niermert troffe
gege ilanz zu simmer grennt
und hend gar kei pause verpennt
um z'tanke und es schnüpfli z'näh
als wörs die nöchschte täg keis meh gäh
de z'mittag im tödi reschaurant
het kraft zrugg procht da isch bekannt
vo tasmania chunt üsen driver vom bus
und bringt üs zum starthuus im schuss
mit vierzg andere lüt und au turischte
wo puechet hend ä fahrt i dene gummichischte
de albert üs öschtrich begrüesst die spinner
und erklärt de Ablauf für all nicht- und schwimmer
zedel underschriebe und den usfülle
inego, neopren neh und umetrülle
schueh alegge und tschöppli fasse
padel neh und en Helm apasse
is auto hocke und den warte
bis de ossi chunt und den cha starte
bim tröffpunkt sind den alli do
bis uf den chrummi wo hem mir den de gloh
en gaid bringt ihn mit garach
etz isch er debi isch gar kei sach
de albert erklärt üs wasserratte es paddle
für üs vom rhi isch klar we's raddle
luschtig isch halt alemal
jetz gohts los in rhikanal
über stock und stei go schippere
isch andersch als am gschirr go klimmpere
und vorwärts "mit kraft"
stüred mir dur d'schlucht das raft
so zwanzg kilometer paddle und den no nass
isch für die einte luschtig und macht au de andere spass
mit infos über das und dies und ganz genau
böötled mir richtig reichenau
döt uusboote und s'raft uf de ahänger lade
neopren abzüeh tröchne und schue go bade
klamotte packe und s erschte stümpli den is gsicht
au wenn ziit drängt und und de zug isch in sicht
mir sind jo z'spot dra und mönd no renne
wenn mir uf chur wend rechziigtig go penne
uf meiersbode hindere gits kein buss meh
so mönd de gregi und de polo s'taxi neh
mit allne rucksäck gönds go d'schlüssel hole
de rescht marschiert dur d'stadt uf schwere sohle
me finded üs i de mephisto bar
zum apero i da isch allne klar
eis zwei bier da isch grad richtig
bis die zwei üs widerfinded isch da wichtig
den um zwei egge simmer döt im rosehügel
ob de stadt gsehts guet us grad wie en flügel
mit schöne gescht und schwere schueh
hend die einte müeh drum isch glih rue
noch em znacht grad in meiersbode hindere, nei
mir gönd grad in usgang und nocher direkt hei
än schlumi im schall und rauch, ä super bar
döt sind d'ussicht erschtklassig und wunderbar
wo hend die churer au die schnitte her
üs tunkts die lieferige wöred gar nie leer
noch em drink wört me müed vom luege und schaue
isch da wege üs oder weg de villne schöne fraue
gmüetli isch s den mit pino's taxi em meiersbode zu gange
hüt hät jedefalls keine möse träumli fange

ganz ziitig am sunntige morge
het me gspise vom büffe ohni sorge
den marschiered mir wieder gege chur
und wiiter gots mit de kafi lutz tour
mit em bähnli uf s'chänzeli vom dreibündestei
dot sind glaub hüt alli wanderer dihei
no hemmer no nid vil gsäh
s'het aber glanget um nomol es lützli z'näh
denn gots aber obsi bis uf brambrüesch ue
me het au chöne fahre bis döt ue
wa sölls, mir sind jetz scho do
und hend über de schreck grad no eis gnoh
und jetz simmer definitiv nümme elei
bi geilem wetter und ere super ussicht isch das einerlei
noch zwei stund wandere bis pradaschier
isch's den fällig gsih das gipfebier.
di längschti rodelbahn isch s'zil den gsih
doch weg de warteziit ischs den rasch verbi
den zum rodle wärde 90 minute warte gsi
und so isch de spass halt schnell verbi
will de zug natürli nid warte uf de tvb
hend mir s'rodle nu vo de bahn us gseh
uf das end no en fruschtlutz
schad gsi eifach gopfidschtutz
den zrugg mit bus und zug grad eis zwei drü
und scho isch die schiisturnfahrt 2012 verbi

Daniel Schmid

Fotos